ఈ పుట ఆమోదించబడ్డది
రేకు: 0296-04 శంకరాభరణం సం: 03-557 అధ్యాత్మ
పల్లవి:
మిగిలిన దేమిఁకమీఁదట దేహికి
అగపడు నొక పడెఁ డన్నంబు
చ. 1:
రతిఁ బగటి వెలుఁగు రాత్రిచీఁకటికి
సతము గాదు అది సరికి సరి
అతిభోగములకు నార్జించుటకును
చతురపు సంపద సరికి సరి
అ. 2:
అలయ పథ్యమున కౌషధము గొనుట
చలువకు వేఁడికి సరికి సరి
నిలిచిన పుణ్యము నిండుఁబాపములు
జలువు వెలువులకు సరికి సరి
అ. 3:
మహి మరణములకు మరి పుట్టుగులకు
సహజ మందరికి సరికి సరి
యిహమున శ్రీవేంకటేశ్వరుఁ డాత్మకు
సహకారి యతఁడు సరికి సరి
