ఈ పుట ఆమోదించబడ్డది
రేకు: 0292-03 దేసాక్షి సం: 03-532 శరణాగతి
పల్లవి:
దేవుఁ డొక్కఁడే మాకు దిక్కుగాని
కావ నెవ్వరును లేరు కతలింతే కాని
చ. 1:
పచ్చివొళ్లు మోచితిమి పాపమెల్లాఁ జేసితిమి
హెచ్చిన మీఁదటి సుద్దు లేఁటివో కాని
రచ్చలఁబడె మా గుట్టు రమణుల చేఁత బెట్టు
అచ్చమై యిందుకుఁ బరిహరమేదో కాని
చ. 2:
గాలిమూఁటఁ జిక్కితిమి కన్నచోటే తొక్కితిమి
ఆలించి యేమిటివారమయ్యేమో కాని
మైల గొంత మనసూ మణుఁగు గొంతానాయ
తాలిమి నా విధి యేమి దలఁచీనో కాని
చ. 3:
మాయలఁ బొరలితిమి మరచితి మింతలోనే
చాయల శ్రీవేంకటేశు శరణంటిమి
రోయఁజొచ్చె జగమెల్లా రుచియాయ వైరాగ్య-
మాయము నాలోపలి అంతరాత్మేకాని
