రేకు:286-02 వసంతం సం 03-495 వైరాగ్యచింత
| పల్లవి : |
నీ శరణమే గతి నే నితర మెరఁగ
పాశబంధముల పనులేలయ్యా
|
|
| చ. 1: |
పూఁచిన తొలుకర్మంబులు భోగించక పోవు
చాఁచుకున్నయీ శరీరగుణములు చాలునన్నఁ బోవు
రేఁచిన జననమరణములు రెంటికిఁ దీసీని
మోఁచివచ్చితే విజ్ఞాన మెరఁగఁగ మొదలికిఁ గొనకును యెడ యేదయ్యా
|
|
| చ. 2: |
కోరిన నా కోరికలు కొనసాగక పోవు
బారిఁ బడుచు కాలము దా బడిఁ దగులక పోదు
మేరతో పంచేంద్రియములు మెడచుట్టక పోవు
యే రీతుల సంసారము గెలువఁగ నెదురుబడిని బలిమిఁకనేదయ్యా
|
|
| చ. 3: |
మనసును వాకునుఁ జేఁతయు మానుమన్నఁ బోవు
తనువులోన నా యంతర్యామివి తలఁచక ఇఁకఁ బోదు
ఘనుఁడవు శ్రీవేంకటపతి నన్నుఁ గావక ఇఁకఁ బోదు
కనికానని యజ్ఞాన జంతువను కడమలెంచ నిఁకఁ గొలదేదయ్యా
|
|
