పుట:తాళ్ళపాక పదసాహిత్యం - మూడవ భాగం.pdf/496

రేకు: 0286-01 సామంతం సం: 03-494 అధ్యాత్మ

పల్లవి :⁠

నారాయణుఁడ నీ నామము మంత్రించి వేసి పారేటి యీ జంతువుల భ్రమ విడిపించవే

⁠

చ. 1:⁠

మదనభూతము సోఁకి మగువలుఁ బురుషులు అదన విరిదలలై యంగమొలలై పెదవి నెత్తురు వీర్చి పెనుగోళ్ళఁ జించుకొంటా కొదలు కుత్తికలనుఁ గూపేరు జీవులు

⁠

చ. 2:⁠

పంచభూతములు సోఁకి భ్రమసి యజ్ఞానులై పొంచి హేయములు మన్నుఁ బూసుకొంటాను అంచెల వీడెపురస మందునిందు గురియుచు యెంచి ధనముపిశాచాలిట్లైరి జీవులు

⁠

చ. 3:⁠

తమితోడ మాయాభూతము సోఁకి బహుజాతి - యెముకలుఁ దోలు నరా లిరవుచేసి నెమకి శ్రీవేంకటేశ నిన్నుఁ జేర కెక్కడైన తముఁ దా మెరఁగరింతటాఁ జూడు జీవులు

⁠