రేకు: 0284-05 సాళంగం సం: 03-486 వైష్ణవ భక్తి
| పల్లవి : |
జీవన్ముక్తులము శ్రీపతి దాసులము
భావించవో మమ్మును ప్రపంచపు మాయా
|
|
| చ. 1: |
యివల దానధర్మము లేమిఁ జేయుట లేదు
తవిలిన పాతకాలు దైవమే వహించుకొనె
భువిలోన నా కిఁక బుట్టఁబని లేదు లేదు.
భవరోగవైద్యుఁడు శ్రీపతి గలఁడు గాన
|
|
| చ. 2: |
యెలమి స్వర్గాది లోకాలేమీఁ గోరుట లేదు
కల వైకుంఠము హరి కాలమునాఁడే యిచ్చె
తొలుత నాకుఁ జావుల తోడి సడ్డ వద్దు వద్దు
బలువైన యచ్యుతుని బంట్లము గాన
|
|
| చ. 3: |
పూపసుఖమూ నొల్లము పొంచి దుఃఖమూ నొల్లము
చేపట్టి బ్రహ్మానందము శ్రీవేంకటేశుఁ డిచ్చెను
దూపయు నాఁకటికిఁగా తోదోపు మా కిఁక వద్దు
కాఁపమృతమథనుఁడు గలఁ డిట్టే కాన
|
|
