ఈ పుట అచ్చుదిద్దబడ్డది
రేకు: 0208-05 కన్నడగౌళ సం: 03-047 వైరాగ్య చింత
పల్లవి:
ఎట్టు గెలుతుఁ బంచేంద్రియముల నేఁ
బట్టరాని ఘనబలవంతములు
చ. 1:
కడు నిసుమంతలు కన్నుల చూపులు
ముడుఁగక మిన్నులు ముట్టెడిని
విడువక సూక్ష్మపువీనులు యివిగో
బడిబడి నాదబ్రహ్మము మోచె
చ. 2:
అదె తిలపుష్పంబంత నాసికము
కదిసి గాలి ముడెగట్టెడని
పొదిగె నల్లెఁడే పొంచుక నాలికె
మెదలుచు సర్వము మింగెడిని
చ. 3:
బచ్చెన దేహపు పైపొర సుఖమే
యిచ్చఁ బ్రపంచం బీనెడిని
చెచ్చెర మనసిది శ్రీవేంకటేశ్వరుఁ
దచ్చి తలఁచఁగా దరి చేరెడిని
