ఈ పుట అచ్చుదిద్దబడ్డది
రేకు: 0208-04 శంకరాభరణం సం: 03-046 వైరాగ్య చింత
పల్లవి:
వేవేలు బంధములు విడువ ముడువఁబట్టె
దైవమా నిన్నెట్టు తగిలేమయ్యా
చ. 1:
పారీ ముందటి భవపాశములు
తీరీఁ దొల్లిటితిత్తిలో పుణ్యము
వూరీఁ గోరిక లొకటొకటే
యేరీతి సుజ్ఞాన మెరిఁగేనయ్యా
చ. 2:
పట్టీ నాకొంగు పంచేంద్రియములు
తొట్టీ బాపము తోడుతనే
పెట్టీ భ్రమలఁ బెరిగి నీమాయలు
అట్టే మోక్ష మెన్నఁ డందేమయ్యా
చ. 3:
విందై యిహము వెనకకుఁ దీసీ
అందీ వై రాగ్య మరచేతికి
కందువ శ్రీవేంకటపతి యీరెండు
బొందించితి వేది భోగింతునయ్యా
