పుట:తాళ్ళపాక పదసాహిత్యం - మూడవ భాగం.pdf/473

రేకు:0282-02 రామక్రియ సం: 03-471 తిరుపతి క్షేత్రం

పల్లవి :⁠

కట్టెదుర వైకుంఠము కాణాచయిన కొండ తెట్టెలాయ మహిమలే తిరుమల కొండ

⁠

చ. 1:⁠

వేదములే శిలలై వెలసినది కొండ యేదెసఁ బుణ్యరాసులే యేరులైనది కొండ గాదిలి బ్రహ్మాదిలోకముల కొనల కొండ శ్రీదేవుఁడుండేటి శేషాద్రి యీకొండ

⁠

చ. 2:⁠

సర్వదేవతలు మృగజాతులై చరించే కొండ నిర్వహించి జలధులే నిట్టచరులైన కొండ వుర్విఁ దపసులే తరువులై నిలిచిన కొండ పూర్వపు టంజనాద్రి యీ పొడవాటి కొండ

⁠

చ. 3:⁠

వరములు కొటారుగా వక్కణించి పెంచే కొండ పరగు లక్ష్మీకాంతు సోబనపుఁ గొండ కురిసి సంపదలెల్ల గుహల నిండిన కొండ విరివైన దిదివో శ్రీవేంకటపుఁ గొండ

⁠