రేకు: 0280-04 సాళంగం సం: 03-462 వైష్ణవ భక్తి
పల్లవి : |
చరమార్థమందు నీవు చాటితివి గాన
ఇరవిది నమ్మితి నా కెదురెందు లేదు
|
|
చ. 1: |
పతికిఁ జనవరైన ప్రాణధారి లెంకలకు
తతినేమి సేసినాను తప్పులేదు.
సతతము హరి నీ శరణాగతుఁడ నాకు (గాన?)
అతిపాపము సేసిన అది నాకు లేదు
|
|
చ. 2: |
పారుచు నగరి డాగు పసుర మెవ్వరిచేని-
పైరు మేసినా నందు బందె లేదు
సారె నీ ముద్రలు మోచి సంసారవిషయాల
యేరీతిఁ బొరలినా యెగ్గే లేదు
|
|
చ. 3: |
ధర్మానఁ గొని తెచ్చిన దాసులకు వూర వెట్టి-
అరిఁ జేయఁగఁ బని అంతలేదు
నిర్మల శ్రీవేంకటేశ నీ కరుణగల నాకు
కర్మ లోపమైనాను కడమే లేదు
|
|