పుట:తాళ్ళపాక పదసాహిత్యం - మూడవ భాగం.pdf/460

రేకు: 0279-06 లలిత సం: 03-458 అధ్యాత్మ

పల్లవి :⁠

అంతర్యామీ వో అంతర్యామీ బంతి నాకేమిగల్లా నా పాలివాఁడవు గావా

⁠

చ. 1:⁠

దొంతులై అన్ని యోనులాఁ దొల్లి నేఁ బుట్టేటినాఁడే అంతరాత్మవైనవాఁడ వటు నీవేకా ఇంతట విడిచేవా నన్నింద్రియాలఁ గట్టివేసి పొంతఁ జూచేవిటు నాకుఁ బొత్తులకాఁపవుగా

⁠

చ. 1:⁠

తొడరి స్వర్గనరక దుఃఖసుఖములనాఁడు అడరి కర్మసాక్షివటు నీవేకా విడువ వెప్పుడు నన్ను విషయాలఁ జిక్కినాఁడ కడ నూరకుండనేల కన్నవాఁడవు గావా

⁠

చ. 1:⁠

నీ చేతఁగానిది లేదు నీవు నాకుఁ బ్రాణమవు కాచుటకు నీకంటే నొక్కరు వచ్చేరా చేచేత శ్రీవేంకటేశ చేరి నీకు శరణంటి యేచి నన్ను మన్నించితివిది నీ తేజముగాదా

⁠