రేకు: 0277-02 సామంతం సం: 03-443. శరణాగతి
| పల్లవి : |
ఇంతటఁ గావఁగదే ఇందిరానాయక నన్ను
పంతానఁ గాకాసురునిఁ బాలించినట్లు
|
|
| చ. 1: |
దించని పంచభూతాల దేహము మోచితిఁ గాన
నించిన యజ్ఞానమున నిన్ను నెరఁగ
పంచేంద్రియములచేఁ బట్టువడ్డవాఁడఁ గాన
యెంచరాని పాపములే ఇన్నియు జేసితిని
|
|
| చ. 2: |
మిన్నువంటి జఠరాగ్ని మింగివున్నవాఁడఁ గాన
కన్నవెల్లా వేఁడి వేఁడి కష్టపడితి
పన్నిన సంసారపు భ్రమ బడ్డవాఁడఁ గాన
అన్నిటా దేవతలకు సరిగాఁపనైఁతి
|
|
| చ. 3: |
ఆతుమలో నీ వుండే భాగ్యము గలవాఁడఁ గాన
చైతన్యమున నీకు శరణంటిని
నీతితో శ్రీవేంకటేశ నీ పాలివాఁడఁ గాన
బాతితో సర్వము నీ కొప్పనము సేసితిని
|
|
