రేకు: 0277-01 రామక్రియ సం: 03-442 అధ్యాత్మ
| పల్లవి : |
రాతిరిఁ బగలనేటి రెంటి నడుమనుఁ జిక్కి
వూఁత గాన వెళ్లనీరో వో యాసలాల
|
|
| చ. 1: |
దైవ మెప్పుడు గలఁడు తలఁచఁగలేము గాని
కైవసమై జీవుఁడుండు కానరాదు గాని
పూవు పిందెవంటి పాపపుణ్యములఁ జిక్కినాఁడ
తోవచూపరో మాకు తొలుజన్మములాల
|
|
| చ. 2: |
లోకము మాయామయమై లోనుఁ గాకుండుఁ గాని
జోక పరమాత్మలోనే సోదించము గాని
కైకొని మూసితెరచే కనురెప్పలనుఁ జిక్కి
వాకిలిఁ గనేఁ జూపరో వద్దనున్న కాలమా (?)
|
|
| చ. 3: |
రూపము విజ్ఞానమే రూఢి కెక్కనైతిఁ గాని
కాపు శ్రీవేంకటేశుఁడే గతి గంటిఁ గాని
యీవారి నేనై తే నిహపరాలకుఁ జిక్కి
పైపూఁత లేమి గానఁ బాలించవో గురుఁడా
|
|
