పుట:తాళ్ళపాక పదసాహిత్యం - మూడవ భాగం.pdf/433

రేకు: 0275-02 లలిత సం: 03-431 అద్వైతము

పల్లవి :⁠

అన్నిటికి నారదాదు లదివో సాక్షి యిన్నిటా మాకుఁ గలిగె నేమైనాఁ గాని

⁠

చ. 1:⁠

భూమిలోన నెన్నియైనా పుణ్యములు గలవు కామింప నాచారాలు కల వెన్నెనా సామజవరదు నొక్కసారె దలఁచినందుకు యేమియును సరిగావు యెట్టయినాఁ గాని

⁠

చ. 2:⁠

వుత్తమలోకసుఖము లోగి నెన్నైనాఁ గలవు యిత్తల సిరులు గల విల నెన్నైనా చిత్తజగురుని నటు సేవించే పుణ్యమువలె నిత్తెము గావు గాని నిచ్చలు నెంతైనను

⁠

చ. 3:⁠

కలవు మతాలు గొన్ని కలవు ముక్తులు గొన్ని కలవు మాయలు పెక్కు గల్పించేవి తలఁచి శ్రీవేంకటేశు దాసుఁడైన భాగ్య మిది గలిగె నిట్టే మాకుఁ గాణాచి గాని

⁠