ఈ పుట అచ్చుదిద్దబడ్డది
రేకు: 0207-04 సాళంగనాట సం: 03-040 అద్వైతము
పల్లవి:
తాము స్వతంత్రులు గారు 'దాసోహము' ననలేరు
పామరపుదేహులకు పట్టరాదు గర్వము
చ. 1:
పరగు బ్రహ్మాదులు బ్రహ్మమే తా మనలేరు
హరికే మొరవెట్టేరు ఆపదైతేను
ధరలో మనుజులింతే తామే దయివమనేరు
పొరిఁ దాము చచ్చి పుట్టే పొద్దెరఁగరు
చ. 2:
పండిన వ్యాసాదులు ప్రపంచము కల్లనరు
కొండలుగాఁ బురాణాలఁ గొనియాడేరు
అండనే తిరిపెములై అందరి నడిగి తా-
ముండుండి లేదనుకొనే రొప్పదన్నా మానరు
చ. 3:
సనకాది యోగులు శౌరిభక్తి సేసేరు దు-
ర్జనులు భక్తి వొల్లరు జ్ఞానులమంటా
నినుపయి శ్రీవేంకటేశ నినుఁ జేరి మొక్కుతానే
అనిశము నిరాకారమనేరు యీ ద్రోహులు
