పుట:తాళ్ళపాక పదసాహిత్యం - మూడవ భాగం.pdf/345

రేకు: 0260-01 భూపాళం సం: 03-343 వైరాగ్య చింత

పల్లవి :⁠

వెఱ్ఱి దెలిసి జగము వెస రోఁకలి చుట్టేను వొఱ్ఱె దేవతల వరాలొగి నెందు కెక్కునో

⁠

చ. 1:⁠

తగిలి సంపదలచేఁ దనిసినవారు లేరు అగపడి దైవమానుషాలందును వొగరు సంసారభార మోపనన్నవారు లేరు వగవఁగఁ జదువు లెవ్వరికిఁ జెప్పెనో

⁠

చ. 2:⁠

జడిసి ఆయుష్యము చాలునన్నవారు లేరు పొడమేటి పదునాల్గుభువనాలందు తడవి తనముదిమి తా రోసేవాఁడు లేఁడు యెడయని తపముల యెవ్వరి దెచ్చెనో (?)

⁠

చ. 3:⁠

నడుమనే తిరిగాడీ నానాధర్మములు పడనిపాట్ల నేము పడఁగాను తడవి శ్రీవేంకటేశుదాసులు మమ్ముఁ గాచిరి బడిబడి నిత్యకర్మఫలము లెన్నటికో

⁠