పుట:తాళ్ళపాక పదసాహిత్యం - మూడవ భాగం.pdf/343

రేకు: 0259-05 దేసాక్షి సం: 03-341 వైరాగ్య చింత

పల్లవి :⁠

తప్పులు వొప్పులు దేహి తన మూలమే రెప్పలతుద నివిగో రేపులు మాపులును

⁠

చ. 1:⁠

తనలోని పాపములే తగిలి యెదిటివారి- నినుపు నేరములై నిందింపించు మనసులో పుణ్యములే మహిఁ గన్నవారిమీఁద పొనుఁగని నేరుపులై పొగడింపించును

⁠

చ. 2:⁠

తొల్లిటి మరణములు తోడనే పుట్టినపుడే యెల్లవారుఁ జూడఁగాను యేడుపించును పెల్లరేఁగి తాఁజేసే పెనుఁ గర్మబంధములే మెల్లనే నానాఁటికి మేను గొప్పచేసును

⁠

చ. 3:⁠

సావిఁ దన నడకలే స్వర్గనరకములై జీవులకు మాయగప్పి చిక్కింపించు శ్రీవేంకటేశ్వరు సేవ చేతిలోని మోక్షమై కేవలపు ప్రపంచము గెలుపించును

⁠