రేకు: 0259-04 ధన్నాసి సం. 03-340 వైరాగ్య చింత
| పల్లవి : |
అక్కడ నెక్కడి నరకము ఆ మాటే కల్లా
దిక్కుల నిదె ఇన్నియుఁ దీరుచుకొంటిమయ్యా
|
|
| చ. 1: |
తనువిది మలమూత్రంబుల దాకొనియుండిన పట్ణము
దినదినమును వుచ్చిష్టపుదిడ్లఁ దూరెదము
జననము నెత్తురు నెమ్ములు సారెకు నూరెడిగుంతలు
మనిమని నరకము చొచ్చిన మనుజుల మిదె నేము
|
|
| చ. 1: |
మదనజలంబుల కాలువ మాపెద్దల పూర్వంబులు
పొదలిన పుత్రుల యిసిళ్లపుట్టలు పెట్టెదము
యెదుటనె సంసారంబులు యెడయని కారాగృహములు
మదిమది నరకము చవిగొను మనుజుల మిదె నేము
|
|
| చ. 1: |
వుట్టినదే నగ్నత్వము బూతో బండో యెరఁగము
చిట్టంట్లవాచవులగు జీవుల మ్రింగెదము
నెట్టన శ్రీవేంకటేశ్వర నీతోఁ గూడఁగ జగములు
మట్టినచోటే మట్టే మనుజుల మిదె నేము
|
|
