రేకు: 0259-02 లలిత సం: 03-338 వైరాగ్య చింత
| పల్లవి : |
నాలో నున్నాఁడవు నన్నుఁ గావ(క) నీకుఁబోదు
యీలీలఁ బట్టుచీరెరవిచ్చిన వానివలె
|
|
| చ. 1: |
చుట్టుకొంటిఁ గర్మములు సొరిదిఁ బసిరికాయ
నట్టనడిమి పురువునడకవలె
వట్టిజాలిఁ దిరిగితి వడిఁ బంచేంద్రియముల
పట్టిన నీటిలో జలభ్రమణమువలెను
|
|
| చ. 2: |
ధరలోనఁ బుట్టి పుట్టి తగ వచ్చినందే వచ్చి
వరుస రాట్నపుగుండ్రవలె నైతిని
అరసి నే నంటుకొంటి అంగనల పొందులను
చొరఁబారి వేలుకాడే సూదిరాతివలెను
|
|
| చ. 3: |
అంతటను స్వర్గనరకాదిలోకాలు మెట్టితి
బంతిగట్టి నురిపెడి పసురమునై
చెంతల శ్రీవేంకటేశ చేరితి నీవద్ద నేఁడు
వంతుకుఁ గామధేనువు వద్ది దూడవలెను
|
|
