రేకు: 0259-01 ముఖారి సం: 03-337 విష్ణు కీర్తనం
| పల్లవి : |
పుణ్యమున నన్నుఁగాచి పురుషార్ధివౌదుఁ గాక
గణ్యమా నే నీకు నాకత యెంతవున్నది.
|
|
| చ. 1: |
వెలయ నిన్నుఁబొగడే వేదము లనంతములు
యెలమి నిన్నుఁ బొగడ నెంతవాఁడను
యిల నిన్నుఁ బూజించేరు ఋషులు కోటానఁగోటి
అలరి నిన్నుఁ బూజించేయంతవాఁడనా
|
|
| చ. 2: |
శరణు నీకుఁ జొచ్చిన జంతువు లనంతములు
వరుస నే నందులో నెవ్వరిఁ బోలుదు
సొరిది నిన్నుఁ గొలిచే సురలు సేనా సేన
పరగ నేఁ గొలిచేటి పని నీకు నెంత
|
|
| చ. 3: |
కాల మెంతైనాఁ గద్దు కర్మములు వేవేలు
ఆలించ నందులో నే నణుమాత్రము
తాలిమి శ్రీవేంకటేశ దయాధర్మము నీది
పాలించవే నీవు నన్నుఁ బలుకు లేమిటికి
|
|
