పుట:తాళ్ళపాక పదసాహిత్యం - మూడవ భాగం.pdf/311

రేకు: 0254-02 దేసాళం సం: 03-309 శరణాగతి

పల్లవి :⁠

ఇంతగా మన్నించి నన్ను నేలుకొంటి విలలోన వింతగా నెవ్వరినిఁక వేఁడఁబొయ్యేనయ్యా

⁠

చ. 1:⁠

కలవారిలోన నీవు గలవాఁడవని నేను కలసి లేనివారిలో కర్మములేనివాఁడను బలువులలో నీ దాస్యబలవంతుఁడ నేను యెలమి మాకిఁకఁ జూడనేమి గడమయ్యా

⁠

చ. 2:⁠

నెమ్మది లోనివారిలో నీకుక్షి లోపలివాఁడ నమ్మని వెలివారిలో నాస్తికుల వెలివాఁడ పమ్మి పదస్థులలోన పరమపదమువాఁడ ఇమ్మని నిన్నడిగేది ఇఁక నేఁటిదయ్యా

⁠

చ. 3:⁠

ధర్మపువారిలో నీ దయాధర్మపువాఁడ మర్మపువారిలో నీమాయలమర్మమువాఁడ అర్మిలి శ్రీవేంకటేశ అంతర్యామివి నీవు నిర్మించినవాఁడ నేను నెలకొంటినయ్యా

⁠