పుట:తాళ్ళపాక పదసాహిత్యం - మూడవ భాగం.pdf/303

రేకు: 0252-06 సాళంగనాట సం: 03-301 హనుమ

పల్లవి :⁠

మొక్కరో మొక్కరో వాఁడె ముందరనిలుచున్నాఁడు యెక్కువ రామునిబంటు యేకాంగవీరుఁడు

⁠

చ. 1:⁠

పెట్టిన జంగతోడి పెద్ద హనుమంతుఁడు పట్టేను యెడమచేతి బలుముష్టి మెట్టినాఁడు పాదముల మించు రాకాశితలలు కొట్టేననుచు నెత్తె గొప్ప వలకేలు

⁠

చ. 2:⁠

వంచెను శిరసుమీఁద వాలుగాఁ దన తోఁక పెంచెను మిన్నులుమోవ పెనుదేహము నించినాఁడు రౌద్రము నిడుపాటిదవడల కాంచనపు పుట్టుకాశ కడు బిగిఇంచెను

⁠

చ. 3:⁠

పెనచి తొడలుదాఁక పెద్ద పదకము వేసె తనువుపై వేలాడే దండల తోడ అనయము శ్రీవేంకటాద్రిదేవుని బంటు వెనుబలమై యున్నాఁడు విట్ఠలములోనను

⁠