ఈ పుట ఆమోదించబడ్డది
రేకు: 0251-01 ముఖారి సం: 03-290 వైరాగ్య చింత
పల్లవి:
హేయము తన వాసనలేల మానును
చీ యన్న మానదిదే చెప్పరాని మాయ
చ. 1:
జంగిలిమనుజునకు సరుఁస బాపమే చవి
అంగవించవలదంటే నగ్గలమౌను
ముంగిట నిల్లాలుండఁగ ముట్టగోరుఁ బరస్త్రీల
యెంగిలి కీరెండు సరే యిదివో మాయ
చ. 2:
పరగిన జీవునికి పంచేంద్రియాలే సుఖము
ధర నెంత గాలమైన తనివి లేదు
సిరులు దనకుండినాఁ జేయిచాఁచుఁ బరులకు
యిరువు లెరఁగరాదు యిదివో మాయ
చ. 3:
శ్రీవేంకటేశ్వరుఁడు చేరి యాత్మలో నుండఁగ
భావించు నితని కృప ఫలించునాఁడు
పూవువంటి సంసారము పొదుగుక వుండఁగాను
ఆవటించుఁ బుణ్యఫలాలదివో మాయ
