ఈ పుట ఆమోదించబడ్డది
రేకు: 0250-06 శంకరాభరణం సం: 03-289 నామ సంకీర్తన
పల్లవి:
ఇతరము లేదిఁక నెంచి చూచితేఁ
బ్రతివచ్చు నితఁడు ప్రత్యక్షమై
చ. 1:
సకలలోకములు చర్చించి వెదకిన
వొకఁడేపో పురుషోత్తముఁడు
ప్రకటము బహురూపములయి నాతఁడు
అకుటిలమహిమల యనంతుఁడే
చ. 2:
పర్విన జీవుల భావించి చూచిన
సర్వాంతరాత్ముఁడు సర్వేశుఁడే
వుర్విని వెలుపలనుండిన యాతఁడు
నిర్వహించె నీ నీరజాక్షుఁడే
చ. 3:
చన్నకాలమున మన్నకాలమున
నున్నవాఁడు యీవుపేంద్రుఁడే
కన్నులెదుట నిఁకఁ గల కాలంబును
అన్నిటా శ్రీవేంకటాధీశుఁడే
