ఈ పుట ఆమోదించబడ్డది
రేకు: 0246-06 ఆహిరి సం: 03-265 వైరాగ్య చింత
పల్లవి:
ఇంక నా దైన్యము చూచి యెట్టు రక్షించేవో కాని
సంకె దీరఁ బులిసితి సర్వేశ్వరా
చ. 1:
తపము సేసి నీ మాయ దాఁటేననుచుఁ బెనఁగి
అపుడే యలసితిని అదివో నేను
కృపఁ జూచి నీ వింక గెలిపించేదెట్టోకాని
వుపమల సరివోరి వోడితి నే వానికి
చ. 2:
పంచేంద్రియములను పారఁదోలేనని చూచి
వంచఁగ సత్వలేక వసమైతిని
అంచె నాపాటు చూచి నీవడ్డమౌటెప్పుడోకాని
దించని బీరములాడి దిగితి నే వానికి
చ. 3:
మోహాంధకారముపై మొనచూపేనని పోయి
సాహసము లేక నే జడిసితిని
వూహల శ్రీవేంకటేశ వున్నతి నన్నేలితివి
బాహుబలమున తుదిపదమయితి వానికి