ఈ పుట ఆమోదించబడ్డది
రేకు: 0246-02 లలిత సం: 03-261 భక్తి
పల్లవి:
ఇందరు నెఱుఁగుదు రీయర్థయే భువి
కందువఁ దగులుట కర్మము కొలఁది
చ. 1:
ఆదికి ననాది హరిదాస్యంబిది
వేదాంతంబుల వెలసినది
సోదించి కనిరి శుకనారదాదులు
పాదుగఁ నిఁకఁ దమ భాగ్యముకొలఁది
చ. 2:
అతిరహస్యమిది అచ్యుతుపై భక్తి
ప్రతిలేని పరమపావనము
చతురులై తెలిసిరి సనకాది మునులు
తతి దొరకుట సుకృతఫలము కొలఁది
చ. 3:
పరము శ్రీవేంకటపతి సంకీర్తన
సొరిది గురుఁడొసఁగు సూక్ష్మమిది
చిరపుణ్యులు మును చేకొన్న నిజమిది
మరిగి మనుట తమ మనసుల కొలఁది
