ఈ పుట అచ్చుదిద్దబడ్డది
రేకు: 0205-01 శంకరాభరణం సం: 03-025 అధ్యాత్మ
పల్లవి:
అతఁడే సకలము అని భావింపుచు
నీతితో నడవక నిలుకడ యేది
చ. 1:
యెందునుఁ జూచిన యీశ్వరుఁ డుండఁగ
విందుల మనసుకు వెలితేది
సందడించే హరిచైతన్య మిదివో
కందువలిఁక వెదకఁగ నేది
చ. 2:
అంతరాత్ముఁడై హరి పొడచూపఁగ
పంతపు కర్మపు భయమేది
సంతత మాతఁడే స్వతంత్రుఁ డిదివో
కొంతగొంత మరి కోరెడి దేది
చ. 3:
శ్రీవేంకటపతి జీవుని నేలఁగ
యీవల సందేహ మిఁక నేది
భావం బీతఁడు ప్రపంచ మీతఁడు
వేవేలుగ మరి వెదకెడి దేది