ఈ పుట ఆమోదించబడ్డది
రేకు: 0244-05 భూపాళం సం: 03-252 శరణాగతి
పల్లవి:
నిత్యానందులము నిర్మలులమిదే నేము
సత్యముగ మమ్మాతఁడు సరిఁ బుట్టించఁగను
చ. 1:
యెక్కడవోయి వెదకే మిటమీఁద దైవమును
వొక్కట నంతర్యామై వున్నాఁడదె
ఇక్కడ నాతనిగుణా లెన్నేసి చదివే మిఁక
పక్కన తన దాసుల భక్తికి సులభుఁడు
చ. 2:
యేమేమి వేఁడుకొనేము యిటమీఁద నాతని
నామములు నాలికపై నటించీనదే
నేమమున నింకా నెట్టు నిచ్చలు భుజించేమో
కామించి సంసారపు కైంకర్య మాతనిదే
చ. 3:
ధ్యాన మేమని సేసేము తలఁచినందెల్లాను
పూని శ్రీవేంకటేశుఁడే వుండఁగాను
నానాఁట నిఁక నేమి నమ్మితి మనేదేమి
పేని మమ్ముఁ దన కుక్షిఁబెట్టి పెంచఁగాను
