ఈ పుట ఆమోదించబడ్డది
రేకు: 0241-05 దేసాళం సం: 03-237 అంత్యప్రాస
పల్లవి:
నిండు కంతటా నున్నది నీమాయ
వొండొకరు జనులకు నుపదేశించనేలా
చ. 1:
నేరకుంటే సంసారము నేరుపును నీమాయ
చేరకుంటే గడులోను చేసుకొను నీమాయ
వూరకొడఁబడకుంటే వొడఁబరచు నీమాయ
పోరి బిడ్డలకు తండ్రి బుద్ది చెప్పవలెనా
చ. 2:
నాలికె కారురుచులు నలిఁ దెలుపు నీమాయ
బేలుఁడై విరక్తుఁడై భిక్ష మెత్తించు నీమాయ
పాలుమాలేమంకునైనా పనిసేయించు నీమాయ
రేలుఁబగళ్లొకరు ప్రేరేఁపుచుండవలెనా
చ. 3:
చొక్కించి నోరుఁ జేతికి సూటి చూపు నీమాయ
పెక్కులాగుల నన్నిటాఁ బెనగించు నీమాయ
వెక్కసపలమేల్మంగవిభుఁడ శ్రీవేంకటేశ
తక్కక నీమహిమిది తలపించవలెనా