ఈ పుట ఆమోదించబడ్డది
రేకు: 0235-05 నాట సం: 03-202 వేంకటగానం
పల్లవి:
కాదనేటి వారెవ్వరు కడలనుండి
సేద దేరిచి నీవేమి సేసినానుఁ జెల్లును
చ. 1:
తక్కక బ్రహ్మాది దేవతలకు నాయకుఁడవు
మక్కువ శ్రీసతికి మగఁడవు
చక్కనివాఁడవు మరి చంద్రసూర్యనేత్రుఁడవు
వుక్కు మీరి నీ వెట్లానుండినా నమరును
చ. 2:
కామునిఁ గన్నతండ్రివి కడుఁ జక్కఁదనమున
ఆముకొన్నయట్టి చక్రాయుధుఁడవు
కామించి యెందుఁ జూచినా గరుడవాహనుఁడవు
వేమరు నీవెటువలె వెలసినా నమరును
చ. 3:
అందరి లోపలనుండే అంతర్యామివి నీవు
చందమైన పరబ్రహ్మస్వరూపుఁడవు
యెందును శ్రీవేంకటాద్రి నిరవైనవాఁడవు
అంది మమ్ము నేలితేను అన్నిటా నమరును
