ఈ పుట ఆమోదించబడ్డది
రేకు: 0235-04 కాంబోది సం: 03-201 శరణాగతి
పల్లవి:
ఏమి సేయఁగలవార మెందుకు నౌదుము నేము
శ్రీమాధవ నీవే దయఁ జిత్తగించు మమ్మును
చ. 1:
వేసరక పుణ్యాలు గావించేదే యరుదుగాని
సేసేనంటే పాపములు చేతిలోనివే
గాసిలక చూచితేఁ జీఁకటైనా వెలుఁగౌఁగాని
వీసమంత మఱచినా వెలుఁగైనాఁ జీఁకటే
చ. 2:
తెలివితో మోక్షము సాధించేదే యెక్కుడుగాని
అలయించే లోకములెన్నైనా గలవు
తలఁచితే నీరూపము తానే యెదుటనుండు
యిలఁ బరాకై వుండితే నెచ్చోటాఁ జిక్కదు
చ. 3:
యీవల నీ దాఁసుడయ్యేది ఘనముగాని
దావతి రాజసాలంతటా నున్నవి
శ్రీవేంకటేశ్వర నీ సేవే ధ్రువపదము
దేవతాంతరమెల్లా దిగ్గుడుకు దిగ్గుడు
