ఈ పుట ఆమోదించబడ్డది
రేకు: 0231-03 బౌళి. సం: 03-176 శరణాగతి
పల్లవి:
అమ్మే దొకటియును అసిమ లోనిదొకటి
ఇమ్ముల మాగుణములు యెంచఁ జోటేదయ్యా
చ. 1:
యెప్పుడు నేము చూచిన నింద్రియకింకరులము
ఇప్పుడు నీకింకరుల మెట్టయ్యేమో
తప్పక ధనమునకు దాస్యము నేము సేసేము
చెప్పి నీదాసులమన సిగ్గుగాదా మాకు
చ. 2:
పడఁతుల కెప్పుడును పరతంత్రులము నేము
వడి నీ పరతంత్రభావము మాకేది
నడుమ రుచులకే నాలుక అమ్ముడువోయ
యెడయేది నిన్ను నుతిఇంచేఅందుకును
చ. 3:
తనువులంపటానకు తగ మీఁదెత్తితిమిదె
వొనరి నీవూడిగాన కొదిగేదెట్టు
ననిచి శ్రీవేంకటేశ నాఁడే నీకు శరణంటి
వెనక ముందెంచక నీవే కావవయ్యా
