ఈ పుట ఆమోదించబడ్డది
రేకు: 0230-01 లలిత సం: 03-168 వైరాగ్య చింత
పల్లవి:
ఎట్టున్నదో నీచిత్త మెదురాడ నే వెఱతు
గట్టిగా హరి నీమాయ కడవఁగరాదు
చ. 1:
నిచ్చ పతితులఁ జూచి నేను సంసారినై యుందు
అచ్చపు సన్యాసులఁ జూచటువలె నయ్యేనందు
హెచ్చి మోచి వచ్చితేను యెక్కడిగొడవ యందు
ఇచ్చట నిశ్చలబుద్ధి యెందూ నేఁగానను
చ. 2:
కర్ములఁ జూచొకవేళ కర్మము నేఁ జేయఁబోదు
మర్మపు జ్ఞానులఁ జూచి మంచిదందును
అర్మిలి రెండూఁ జూచి అంతలో సందేహింతు
నిర్మలమయిన బుద్ధి నే నెందుఁ గానను
చ. 3:
వారఁణాసి వోఁజూచి వారివెంటఁ దగులుదు
తేరి కొంత దవ్వు వోయి తిరుగుదును
నేరిచి శ్రీవేంకటేశ నీవే నన్ను గాచితివి
యీ రీతి దేరిన బుద్ధి యెందూ నే గానను
