ఈ పుట ఆమోదించబడ్డది
రేకు: 0228-01 సామంతం సం: 03-156 వైరాగ్య చింత
పల్లవి:
ముందరఁ గలదని మోసపోతి నిదె
యిందునే తుదిపద మెక్కితినా
చ. 1:
కాయము మోచితి ఘడన గడించితి
చేయారబుణ్యము సేసితినా
పాయము గైకొంటి పలు రుచులెరిఁగితి
రోయదగిన విల రోసితినా
చ. 2:
నిదుర మేల్కనితి నిక్కల గంటిని
హృదయపు విజ్ఞాన మెఱిఁగితినా
చదువులు చదివితి జపములు సేసితి
మది చంచలములు మానితినా
చ. 3:
అందరిఁ గొలిచితి నన్నియుఁ జూచితి
నెందునైన మేలెఱిఁగితినా
కందువ శ్రీవేంకటపతి నీవే
చెంది కాచితివి చెదరితినా
