ఈ పుట ఆమోదించబడ్డది
రేకు: 0227-06 శ్రీరాగం సం: 03-155 రామ
పల్లవి:
శరణు వేఁడెద యజ్ఞసంభవ రామ
అరసి రక్షించు మమ్ము నయోధ్యారామా
చ. 1:
ధారుణిలో దశరథతనయ రామ
చేరిన యహల్యను రక్షించిన రామ
వారిధిబంధన కపివల్లభ రామ
తారకబ్రహ్మమైన సీతాపతి రామ
చ. 2:
ఆదిత్యకులాంబుధిమృగాంక రామ! హర-
కోదండ భంజనము చేకొనిన రామ
వేదశాస్త్రపురాణాదివినుత రామ
ఆదిగొన్నతాటకాసంహార రామా
చ. 3:
రావణుని భంజించిన రాఘవ రామ
వావిరి విభీషణవరద రామా
సేవ నలమేల్మంగతో శ్రీవేంకటేశుఁడవై
యీవల దాసులనెల్లా నేలినట్టి రామా