ఈ పుట అచ్చుదిద్దబడ్డది
రేకు: 0203-02 గుజ్జరి సం: 03-014 అధ్యాత్మ
పల్లవి:
ఇంతేపో వారివారి హీనాధికము లెల్ల
పంతాన తామేపాటి భాగ్యమునా పాటే
చ. 1:
అందరిలో దేవుఁడుండు అందధికులు గొందరు
కొందరు హీనులై కుందుదురింతే
చెంది వీచే గాలొకటే చేనిపంటా నొకటే
పొంది గట్టి కొలుచుండి పాల్లు కడఁబడును
చ. 2:
పుట్టు గందరి కొకటే భూమిలో యేలికలును
వెట్టిబంట్లుఁ గొందరై వీఁగుదురింతే
చుట్టి వరిగురుమతో జొన్నగింజ సరిదూఁగు
తెట్టెలై మేలొకటికి తీలొకటి కాయ
చ. 3:
కోరి శ్రీవేంకటపతి కుక్షిలోనే లోకములు
ఆరయఁ గిందెడుమీఁదెడై వున్నవింతే
యీరీతి నితని దాసు లెక్కిరి పొడవులకు
తారి కిందికి దిగిరి దానవులై కొందరు