ఈ పుట ఆమోదించబడ్డది
రేకు: 0224-06 శంకరాభరణం సం: 03-137 శరణాగతి
పల్లవి:
పట్టి పిసుక నిఁక బనిలేదు
గుట్టు దెలిసితే గులగులలు
చ. 1:
ఆలకించితే నంతా హేయమె
సోలి భోగములు సుజ్ఞానికి
మేలు దెలుసుకొని మెచ్చెదమంటే
నాలికెఁ గడచితే నరకములు
చ. 2:
యెంచి చూచితే నింతా నెరవె
పొంచి ప్రపంచము పుణ్యునికి
దించక తిరిగే తిమ్మటలన్నియు
అంచల వెఱ్ఱుల అలమటలు
చ. 3:
పట్టినదెల్లా బ్రహ్మానందమె
గట్టిగ శరణాగతునికిని
యిట్టె శ్రీవేంకటేశు కరుణ నిఁక
పుట్టినప్పుడే భోగ్యములు