ఈ పుట ఆమోదించబడ్డది
రేకు: 0224-01 దేసాక్షి సం: 03-132 పోలికలు
పల్లవి:
జాలి మోహినీగజము సంసారమిది
లోలుఁడఁ గాకపోదు లోకము సహజము (?)
చ. 1:
నేరమెల్లా జీవునిది నేరుపెల్లా దేవునిది
దారదప్పి విఱ్ఱవీఁగఁ దనకేల
కారణ మాతఁడు దాఁ గార్యమాత్ర మింతే
శూరుఁడై రెంటాఁ జొరక చూచుటే సుఖము
చ. 2:
ప్రకృతి కాతుమ దాను పరమాత్ముఁ డాతఁడు
తకపికలై మురియఁ దనకేల
సకలము నాతఁడు సత్తామాత్రము దాను
వొకటీఁ గోరక వూరకుండుటే సుఖము
చ. 3:
సేవించఁ దనకుఁ గద్దు శ్రీవేంకటేశుఁ డాతఁడు
దావతిఁ గర్మపుఁబాటు తనకేల
శ్రీవిభుఁ డాతఁడు దాను చేతన మాత్ర మింతే
కేవల మాతనివాఁడై గెలుచుటే సుఖము
