ఈ పుట ఆమోదించబడ్డది
రేకు: 0222-01 సామంతం సం: 03-120 అధ్యాత్మ
పల్లవి:
ఇందునే వున్నది యెఱుకయు మఱపును
చందమిదివో ఇకఁ జదివెడిదేది
చ. 1:
అంది కర్మముల ననుభవింపుచును
ముందర మరి సుఖములు గోరు
కందువ నీదేహి కనియుం గానఁడు
దిందుపడ (?) నొరులు తెలిపెడిదేది
చ. 2:
వొకచేత హేయ ముడుగక కడుగును
వొకచేత భుజించు నొగి రుచులు
అకటా దృష్టం బరచేనుండఁగ
సకలము నుపదేశము లిఁక నేవి
చ. 3:
మలయు భోగములు మాయలని యెరుఁగు
నిలిచిన మోక్షపునిజ మెరుఁగు
యిలపై శ్రీవేంకటేశుఁడు గలఁడిదె
బలిమి గలిగెనిఁకఁ బదరెడిదేది