ఈ పుట ఆమోదించబడ్డది
రేకు: 0221-02 దేసాక్షి సం: 03-115 అధ్యాత్మ
పల్లవి:
దేవత లెందున్నవారో దిష్ట మెవ్వరిఁ గానము
యీవలఁ దామే కలితే నేమని రావలదా
చ. 1:
పరమేదో ఇహమేదో బదికే జీవులకెల్ల
నరకపు దేహాలలో నానుచున్నారు
అరసి పుట్టించినట్టి అజుఁ డెందు దాఁగినాఁడో
సరిగాన మెవ్వరిఁ గొసరేమంటేను
చ. 2:
యేమి గలి గేమి సెలవెన్నటికో తమమేలు
యీ మేరఁ బ్రాణులు మాయ నీఁదుచున్నారు
భూమికి దిక్కైనవారు పొడచూపి కావవద్దా
దీముగా నిలువలేరు తెలిసేమంటేను
చ. 3:
తుదయేడ మొదలేడ తొంగి చూచేవారెవ్వరు
అదె సంసారానఁ బ్రాణులాడుచున్నారు
ఇదె శ్రీవేంకటేశ్వరుఁ డింతలో విచ్చేసి కాచె
యెదుట రక్షకుఁడైతే నిట్టుండవలదా
