ఈ పుట అచ్చుదిద్దబడ్డది
రేకు: 0219-04 రామక్రియ సం: 03-105 అధ్యాత్మ
పల్లవి:
చవులకుఁ జవి సంసారము
భవము నానాఁటికి పచ్చిదే
చ. 1:
దైవికము మా స్వతంత్రముతోఁ గూడె
సావివోదెన్నఁడు సంసారము
పూవుపిందెవలెఁ బొడమివున్నవి
యేవల యీరెండు నేకమే
చ. 2:
పాపముఁ బుణ్యము పైపైఁ గూడుకొని
చాపకింది నీరు సంసారము
రేపుమాపు వలె రెట్టించి వున్నవి
యేపొద్దు నీ రెండు నేకమే
చ. 3:
మాయ గొంత నిజమార్గమునుఁ గొంత
చాయ దప్ప దిదేసంసారము
చేయిచ్చి వున్నాఁడు శ్రీవేంకటేశుఁడు
యీయెడ నీరెండు నేకమే