ఈ పుట అచ్చుదిద్దబడ్డది
రేకు: 0218-06 బౌళి సం: 03-101 శరణాగతి
పల్లవి:
ఇందుకంటే మరి యిఁకలేదు హితోపదేశము వో మనసా
అంది సర్వసంపన్నుఁడు దేవుఁడు ఆతని కంటే నేరుతుమా
చ. 1:
కల దొకఁటే ధర్మము కల్పాంతమునకు నిలిచినది
తలఁకక మీ శరణు చొచ్చి మీ దాసుడ ననెడి దొకమాఁట
వలవని జోలే యింతాను వడి నిదిఁ గాక యేమిసేసినను
సులభ మిందునే తొల్లిటి వారలు చూరలుగొనిరదే మోక్షంబు
చ. 2:
మొదలొకటే యిన్నిటికి ముందర వెనకా వచ్చేది
వొదుగుచు గోవిందుని దాసులకు నొక్కమాటే మొక్కినఁ జాలు
తుద కెక్కనివే యితరములు దొరకొని మరేమి సేసినను
బదికి లిరిందునే పరమవైష్టవులు పలు చదువులలో వినరాదా
చ. 3:
తగులొకటే విడువరానిది తతి నెన్నటికినిఁ జెడనిది
వొగి శ్రీవేంకటపతి నామజపము వొకమాటే అబ్బినఁ జాలు
నగుబాటే యింతాను నానాఁటి కేమేమి సేసినను
తగు నీ బుద్ధుల నడచిరి మున్నిటి దైవజ్జులు పూర్వాచార్యులును