ఈ పుట అచ్చుదిద్దబడ్డది
చి. శృం. రేకు: 04-4 మేసబౌళి సం: 10-021
పల్లవి:
సింగారపు మేనిచెలువరి యింత
చెంగలింతురా చెలువరీ
చ. 1:
నెఱతనా లూరకె నెరపుచు యిట్టె
చిఱునవ్వు నవ్వేవు చెలువరీ
తఱి నగి నగి వాని దగిలీని అంత
చెఱఁగు ముట్టకువోయి చెలువరీ
చ. 2:
నిలువున మోహము నింపుచు మాపై
చిలికించేవు చూపు చెలువరీ
నెలవైన మాఁటలె నిజ మయ్యీని మాకు
శెలవు సేయకు వోయి చెలువరీ
చ. 3:
వొక్కటిమాఁటల నొడఁబరచి నా
చెక్కు నొక్కకు వోయి చెలువరీ
గక్కన శ్రీవెంకటనాథుఁడా నీకు
జిక్కితి కాఁగిట చెలువరీ.
