ఈ పుట అచ్చుదిద్దబడ్డది
చి. ఆ. రేకు: 0002-01 మలహరి సం: 10-006
పల్లవి:
హరికి మొరవెట్టితె అన్నిపనులు లెస్సవును
సరవి నెన్నాళ్లని జాలిఁ బడవచ్చును
చ. 1:
యేమిసేయేనీజీవుఁ డీయరివర్గాలతోడ
బూమెల నెన్నాళ్లని పోరాడీని
చూమరలఁ జూడఁ జూడఁ జుట్టాలవలనె వుండి
దోమటిపంచేంద్రియాలు దోడుగాకపోయను
చ. 2:
యెక్కడచొచ్చీజీవుఁడీ కర్మపురుణములు
పెక్కు విధములఁ బిరువీకు సేయఁగా
వొక్కొక్కనాఁటివడ్డె వొదిగీఁగాని తల
తిక్కగొన్న పాపములు దీరకెపోయను
చ. 3:
యెవ్వరుదిక్కీ జీవుని కెంతని యీఁదఁగలఁడు
యివ్వల సంసార మనె యీవారిధి
నవ్వుతా శ్రీవెంకటనాథుని మఱఁగుచొచ్చి
యివ్వగఁ దా దరిచేరి యిన్నియు గెలిచెను
