ఈ పుట అచ్చుదిద్దబడ్డది
చి. శృం. రేకు: 17-4 సామంతం సం: 10-099
పల్లవి:
ఇచ్చకమె సేసే వేరా నీవు
యెచ్చోటి చనవరి వేరా నీవు
చ. 1:
మన్నించి నన్ను నిట్టె మరఁదల రమ్మనేవు
యెన్నటి మేనవాఁడ వేరా నీవు
వెన్నుఁడ నన్ను నిట్టె విడెము దెమ్మనేవు
యెన్ని దాఁచఁ బెట్టితివి యేరా నీవు
చ. 2:
మెప్పించి నాతోడ మేలము లాడేవు
యెప్పటి నేస్తకాఁడ వేరా నీవు
దుప్పటికొంగు నాపై దొడిఁబడఁ గుప్పేవు
యిప్పు డెన్నటిపొందు యేరా నీవు
చ. 3:
కానిరా నను నిట్టె కాఁగిలించుకొనేవు
యేనాటి చుట్టెమవు యేరా నీవు
కానిపించి నన్ను శ్రీవెంకటనాథ కూడితివి
యేనెలవున నేలితి వేరా నీవూ.
