ఈ పుట అచ్చుదిద్దబడ్డది
చి. శృం. రేకు: 16-6 నాదరామక్రియ సం: 10-095
పల్లవి:
ఎత్తూ నొరాఁ గల దిటువంటిది వలపు
యిత్తరి గాఁకల వన్న యించుకాఁ దియ్యదు
చ. 1:
మచ్చికతోడుతఁ దూఁగు మంచపుఁ దాసుమీఁద
నిచ్చ నిండ జవ్వనపు నీవొక్కచో
నిచ్చలపు గుణముల నే నొక్కచో నుండఁగాను
అచ్చముగా సరిఁ దూఁచె నతనుఁడే యిపుడు
చ. 2:
మించి చలువరాయనే మెచ్చుల వొరగంటిపై
నించినట్టి వేడుకల నీదేహము
దించని తమకపు నాదేహమూఁ బెనఁగఁగా
పొంచి సరిగా నొరసె పూవిలుతుఁ డిపుడు
చ. 3:
కలసె పూఁబానుపు మొగ్గుల గొప్పసళాకలు
నిలువున శ్రీవెంకటనాథ నీరతికి
కొలఁది మీరఁగ నేఁ గడిన సమరతికి
వలె నని వనె వెట్టీ వలరాయఁడిపుడు
