ఈ పుట అచ్చుదిద్దబడ్డది
చి. శృం. రేకు: 08-2 శంకరాభరణం సం: 10-043
పల్లవి:
ఎంచి మీచుట్టరికము లిందులో దెలుసుఁగా
మించి నడచితి రైన మీకు మీ యాన
చ. 1:
యేలా చల్లనిగాలి యింతి నేఁచ నేఁటికి
జాలి రేఁచితైన నీకు చందన మాన
మేలిమి తుమ్మిదలాల మెలుఁత వోరువ లేదు
కోలుముందై కూసిన మీకులము నాన
చ. 2:
మదనుఁడా చెలిమీఁద మానవయ్య కోపము
పదరితి వైన పంచబాణము లాన
పొదలినా చందమామ పున్నమవెన్నెల గాసి
కదిసి యెంచితి వైన కలువ లాన
చ. 3:
చక్కని కోవిలలాల జవరా లోపఁగ లేదు
చిక్కని కూఁత రేఁచితే చిగురు లాన
గక్కన నింతిని శ్రీవెంకటనాథుఁడు గూడె
మక్కువ నిందరికిని మానితి నాన
