ఈ పుట అచ్చుదిద్దబడ్డది
రేకు: 0301-1 సాళంగనాట సంపుటం: 11-001
పల్లవి: నీ విన్నిటా నేర్పరివి నే నంతేసి నేరను
మోవి గిరిపే నింతె ముంచి యేమి సేసేరా
చ. 1: కప్పురము నోటి కిచ్చి కాఁక లెల్లా రేఁచేవు
యెప్పటివాడవె కావా యేరా నీవు
అప్పటి మంచివాఁడవై యానలు వెట్టుకొనేవు
రెప్ప లెత్తి చూచే నింతె రేసు లేమి సేసేరా
చ. 2: అంచెలను విడె మిచ్చి ఆసలు వుట్టించేవు
మంచి చుట్టుమవె కావా మాకు నెప్పుడు
లంచము మో విచ్చె నంటా లావులనె పెనఁగేవు
మంచానకుఁ దీనే నింతె మరి యేమి సేసేరా
చ. 3: గందవొడి మీద జల్లి కాగిలించుకొనేవు
అందగాఁడవె కావా అన్నిటా నీవు
పొందుల శ్రీవెంకటేశ భోగించితివి నన్ను
మందెమేళా లాడే నింతె మరి యేమి సేసేరా