పుట:తాళ్ళపాక పదసాహిత్యం - నాలుగవ భాగం.pdf/58

రేకు: 0310-03 దేసాళం సం: 04-057 శరణాగతి

పల్లవి :⁠

నేనే పో ఘనుఁడను నీకంటెను దానవారి నీవు నాకు దైవమవు గాన

⁠

చ. 1:⁠

నేరుపున నాకైతే నీ దిక్కు గలదుగాని చేరి నీ కావల దిక్కు చెప్పి చూపఁగలదా అరయ నీవైతే నాకు నాధారము గలవు గా నూరకే నీకాధారము వున్నదా యెక్కడను

⁠

చ. 2:⁠

నిన్నుఁ గొల్చిన సలిగె నేఁడు నాఁకు గద్దుగాని సన్నుతి నీకు నొకరి సలిగున్నదా. పెన్నిధి నిన్నుఁ దలఁచే పేరు నాకుఁ గద్దుగాని వున్నదా నీకుఁ దలఁచ నొకరి పేరైనను

⁠

చ. 3:⁠

యీవులెల్లా నాకైతే నియ్యఁగలవు గాక ఆవల నీకీవులియ్య నన్యులున్నారా శ్రీవేంకటేశ నాకు జీవాంతరాత్మవు నీవు భావించ నంతరాత్మ యప్పటి నీకు నున్నదా

⁠