ఈ పుట అచ్చుదిద్దబడ్డది
రేకు: 9074-01 లలిత సం: 04-574 అధ్యాత్మ
పల్లవి:
భవములు వీడఁగఁ బాలించి
చవి మరపెను మోక్షము తెరువు
చ. 1:
కర్మకోట్లకు గడిచీటిచ్చెను
నిర్మలమతులకు నేఁడిపుడే
ధర్మమార్గమునఁ దడవి నడచుటకు
నర్మిలిఁ బుణ్యములందుటకు
చ. 2:
ముంజేతద్దము మూలదాముగా
సంజీవని సరసత నొసఁగె
గొంజ సుకృతములు కుమ్మరించి హరి
రంజించెను సర్వజనులకు
చ. 3:
పట్టముగట్టెను ప్రాణులకెల్లను
గట్టిగఁ దిరు వేంకట విభుఁడు
ఒట్టిన యాపదలూడఁదోలి జను
లిట్టే నిజసుఖమిచ్చుటకు