ఈ పుట అచ్చుదిద్దబడ్డది
రేకు: 0391-02 లలిత సం: 04-527 నృసింహ
పల్లవి:
ఈతని మహిమలు యెంతని చెప్పెద
చేతులమొక్కెదఁ జెలఁగుచు నేను
చ. 1:
శ్రీ నరసింహుడు చిన్మయమూరితి
నానావిధకరనఖరుఁడు
దారుణ దైత్య విదారుఁడు విష్ణుఁడు
తానకమగు మా దైవంబితఁడు
చ. 2:
అహోబలేశుఁడు ఆదిమ పురుషుఁడు
బహు దేవతా సార్వభౌముఁడు
సహజానందుఁడు సర్వ రక్షకుఁడు
యిహ పరము లోసఁగు యేలిక యితఁడు
చ. 3:
కేవలుఁడగు సుగ్రీవ నృసింహుఁడు
భావించ సుజన పాలకుఁడు
శ్రీ వేంకటేశుఁడు చిత్తజ జనకుఁడు
వేవేలకు నిలువేలుపు యితఁడు
